RAIS MSTAAFU WA AWAMU YA TATU AZINDUA NYUMBA 50 ZA WATUMISHI MIKOA YA GEITA, KAGERA NA SIMIYU -CHATO

Posted on: July 9th, 2017

RAIS MSTAAFU WA AWAMU YA TATU AZINDUA NYUMBA 50 ZA WATUMISHI  MIKOA YA GEITA, KAGERA NA SIMIYU

Rais mstaafu wa awamu ya tatu Mheshimiwa Benjamini W.Mkapa amezindua mradi wa nyumba 50 za watumishi wa Idara ya afya katika mikoa ya Geita,Kagera na Simiyu ambazo zimetekelezwa chini ya ufadhili wa Serikali, Global Fund pamoja na Taasisi ya Benjamini Mkapa Foundation kwa gharama ya shilingi bilioni 2.5

Awali akizungumza katika kijiji cha Mkungo Wilayani Chato ambapo  uzinduzi umefanyika Mheshimiwa Mkapa amewataka wananchi kutunza na kushiriki katika ujenzi wa miradi ya maendeleo ambayo inatekelezwa ili isaidie wananchi wote.

Katika uzinduzi huo uliofanyika katika Zahanati ya kijiji cha Mkungo Mheshimiwa Mkapa aliambatana na Ummy Mwalimu Waziri wa Afya, mama Anna Mkapa na Balozi wa Japani nchini  Masaharu Yoshida.Nyumba hizo zipo katika maeneo mbalimbali ya mikoa ya Geita, Kagera na Simiyu ambapo Mkoa wa Geita umepata nyumba 20, Kagera 10 na Simiyu nyumba 20.