SERIKALI KUSHIRIKIANA NA WANANCHI KUJENGA VITUO VYA AFYA GEITA

Posted on: May 13th, 2017

SERIKALI KUSHIRIKIANA NA WANANCHI KUJENGA VITUO VYA AFYA MKOANI GEITA

Serikali ya Mkoa wa Geita imesema inaendelea kushirikiana na wananchi kusogeza huduma za afya karibu na wanapoishi kwa kujenga na kuimarisha vituo vya kutolea  huduma.

Akizungumza wakati wa maadhimisho ya siku ya wauguzi duniani ambayo kwa Mkoa wa Geita yamefanyika Wilaya ya Mbogwe, Mgeni rasmi Mhe. Ezekiel Kyunga Mkuu wa Mkoa wa Geita amesema kuwa serikali inatambua umuhimu wa wauguzi na Sekta ya Afya kwa ujumla hivyo inaendelea kujenga na kuimarisha vituo vya kutolea huduma hizo kwa kushirikiana na wananchi ili wapate huduma hizo karibu na maeneo yao. “Serikali inaimarisha ubora wa huduma ya afya inayotolewa kwa wananchi kwa kuvipatia vituo hivyo vifaa vya uchunguzi na tiba, Pia inafanya jitihada za kuhakikisha upatikanaji wa dawa za kutosha, rasilimali watu kama vile madaktari, wauguzi, wakunga na wataalam wengine wa Afya”.

Aidha, ametoa rai kwa wauguzi kwa kuwataka kubadilika na kutimiza wajibu wao ipasavyo kwa kuzingatia viapo vyao licha ya changamaoto zilizopo. Hata hivyo,amezitaka Halmashauri za Wilaya Mkoani Geita zihakikishe kuwa ziwatekelezea wauguzi madai yao ya sare mapema iwezekanavyo pia kulipa madeni yao.